Stimà amisc dla formaziun permanënta!

Dal 2002 incà él ince tl Comun da San Martin en Consëi de Formaziun. Al é gnü metü sö da en valgügn interessà che odô le debojëgn da portè fora tla comunité na majera oferta de manifestaziuns sön de vigni sort de tematiches y dè insciö na informaziun plü spezifica y sota. L'interès dla jënt à Cina incö desmostrè che l'iniziativa s'à paié fora y che an se damana na continuaziun. Le Consëi de Formaziun é n anel che se liëia ite tles uniuns y assoziaziuns de nosc Comun y porta inant propostes tl ciamp dla formaziun. Porchël se conscidra le Consëi imprömadedöt sciöche n partner che tol sö y dëida mëte a jì manifestaziuns d'interès publich. Na buna informaziun é al dedaincö dër importanta y po sovënz ester de gran ütl. Sciöche Consëi porvunse da conscidré düc i aspec dla vita da vignidé y da tignì naôta cunt dles propostes che vëgn dala jënt. Sce zacai ess val'buna idea o foss interessà por na tematica spezifica, vëgni dër bel invià ala portè dant. Le program de chësc Consëi ciafëise ince te internet sot ala misciun www.manif.it. Chilò él spo ince la poscibilité da odëi l'oferta intiera dles manifestaziuns dla formaziun permanënta a livel de Val Badia y da resservè n terminn por na Osta manifestaziun. Jide ite sot a www.manif.it y aprofitede de chësc sorvisc.

Le Presidënt
Renato Paratscha

I mëmbri dl Consëi de Formaziun da San Martin