Cie vëniel pa fat? - L'atività

Cuordinazion dl'atività dla lies:
Bele da 9 ani incà iel n calënder dla manifestazions dl cunsëi de furmazion de S. Cristina. Tlo iel duta la manifestazions y d'uni sort de avenimënc laite che vën urganisei   ntan i trëi mënsc che vën do. L calënder dla manifestazions vën njuntà ala plata de chemun y a chësta maniera spartì ora debant a duta la families.

Urganisazion de cursc y manifestazions:
L cunsëi de furmazion mët a jì cursc y manifestazions, aldò che che l va de bujën y do avëi fat nrescides plu per menut. La urganisazion di cursc se sëuranatol la lies nteressedes. Sce vel argumënt ne giapa deguna ressonanza pra la lies, vën la scumenciadiva metuda a jì dal cunsëi de furmazion nstës.

Cherta di toponims:
Tl ann 2005 iel unida publicheda la cherta di toponims dl luech de S. Cristina. Pra chësta cherta an cialà de abiné adum duta la denuminazions geografiches dl luech. Tres chësta cherta ti dà l cunsëi de furmazion n cuntribut mpurtant per l mantenimënt de n avëi culturel de gran valor.

Co à pa dut scumencià - cialon de reviers

L bujën y l senificat per n luech de avëi n cunsëi de furmazion an bele udù ite dl 1997; n chël ann iel unì metù su y 21 lies à riesc dit de ulëi fé pea. Aldidancuei nen ie 31 leprò y uniuna cun ativiteies te ciamps defrënc. L cunsëi de furmazion ie la lia-tët che mantën l cuntat cun la lies nstësses, les sustën y se prova a cuordiné l'atività. Nrescì i bujëns de furmazion tl luech ie ënghe mo un di duviers de majera mpurtanza per l Cunsëi de furmazion.

Ntratan po l cunsëi de furmazion mustré su bëndebò de atività y nce la pruspetives per l daunì cëla ora bën.

Chi ie pa dovia - la grupa de lëur

La grupa de lëur ie l organn esecutif   y vën lità uni 3 ani dal'adunanza generela. Al mumënt fejel pea:

Chi ie pa leprò - la lies

La lies tlo dessot fej pea pra l Cunsëi de furmazion de S. Cristina

lista ...