Lönesc 9 de messè 2018

Isté deboriada

Chësc proiet é dediché a düc i mituns che á frecuenté tl ann de scora 2017/2018 dala 1. ala 4. classa dla scora elementara. Tratan l’isté pó i mituns tó pert a edemes plënes de aventöra y devertimënt en compagnia. Ai gnará acompagná da personal pedagogich istruí y cun esperiënza. Tles edemes de proiet ará i mituns la poscibilité da imparé y porvé fora cosses nöies. Al ti vëgn pité de vigni sort de ativités de tëmp lëde sciöche por ejëmpl cujiné, pastelné y de vigni sort de jüc, mo ince jites foradecá, olache ai pó vijité parcs d’aventöra, museums y jí te nodadoia. Al ne pó sambëgn nia mancé les esperiënzes tla natöra, olache i mituns pó se devertí y ti lascé lerch a süa creativité. Important: pro le proiet “Isté deboriada” él tla pröma fasa (dai 5 ai 11 de merz 2018) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 12-13 de merz 2018.

Calfosch, 09:00 - 16:00

Ref.: Animadus dl Saj

Org.: Sorvisc ai Jogn Val Badia

Calfosch Desvalies Hobby y aurela cörta

aggiungi al calendario