Lönesc 24 de jügn 2019

Curs da cujiné

Sambëgn ne pó gnanca en chësc ann mancé n curs tan conesciü: le curs da cujiné! Tratan chëst'edema impararaste ci che al vá döt debojëgn te ciasadafüch por cujiné. Ci ingrediënc adorunse pa y a ci messun pa döt ponsé bele danfora? Adöm cun la referënta podaraste cujiné spëises scëmples da vigni de, che te butará ince da tó ca te deplü ocajiuns. Al n’ó nia ester n gran savëi, mo pasciun y ligrëza te daidará da trasformé les rezetes te na spezialité. Deboriada cujinarunse val’ pice antipast, na derzada de cern y val' duciaria. Sce t’as bele fat esperiënzes te chësc ciamp, spo é tües idees y propostes bëgnodüdes. Düc i jogn pó fá para, sides chi che á bele n iade tut pert al curs, co ince i nüs. Te podaras imparé val’ de nü lapró te vigni caje.

San Martin, ciasadafüch scora mesana, 08:50 - 12:10

Ref.: Loise Verginer

Org.: Sorvisc ai Jogn Val Badia

San Martin Curs Cujiné

aggiungi al calendario