Lönesc 19 de agost 2019

Action & Relax

Tö te ponsaras: “action” y “relax”, döes parores tan atramënter, co po pa chëstes rové adöm? Nos te lasciarun odëi sciöche an fej. Te pos te conforté a n'edema d’aventöra, adrenalina y relassamënt. Al t'aspeta, danter l’ater, la raita alta 18 metri sön Plan de Corones, le trampolin te nodadoia y la Zipline d'Al Plan, ch'é la plü grana d'Europa. Do vigni ativité cun tröpa aziun, ne manciarál spo gnanca le tëmp por palsé y se relassé: salté t'ega o sté a sorëdl do na buna griliada é ma val' ejëmpl de ci ch'i fajarun.
Porchël: sc'al te plej sides l’adrenalina co la trancuilité, tratan chëst'edema poste passé de bi momënc, che ne te desmëntiaras nia tan saurí. I s'la confortun da te odëi!

San Martin, Sorvisc ai Jogn , 09:00 - 15:30

Ref.: Animadus dl SaJ

Org.: Sorvisc ai Jogn Val Badia

San Martin Desvalies Hobby y aurela cörta

aggiungi al calendario