Consëi de Formaziun da Corvara

Tl savëi da vigni dé dîjon che le monn é di furbi. Nos sun indere dla convinziun che le monn é di coriusc, d e chës porsones che à sëi de savëi, deache ares ó descorì les morvëies de chësc monn olache i viun, capì i fenomens che sozed te nos y incër nos ia. Le monn é dles porsones che se fej de morvëia dan da la belëza y la complessité de chësc nosc planët, de chës porsones che sta chites a contemplè les cosses incër nos ia.

De chësc vers ó le Consëi de Formaziun, metü adöm da deplü uniuns y istituziuns di paîsc da Corvara y Calfosch, dè n pice contribut meton impé n program de referac, cursc y d'atres manifestaziuns de carater formatif. Le fin dl Consëi é dantadöt chël de coordiné y retlamisé les ativitês formatives dles uniuns y dles istituziuns, i pitan aiüt pratich y sostëgn finanziar ti caji de bojëgn.

Cun l'audanza che la coriosité ne vëgnes mai mancia, Ves salüda

Consëi de Formaziun da Corvara