Tla sënta dl Istitut Ladin ”Micurà de Rü” te Sëlva, dlongia la cësa de Chemun, iel l ufize dl Servisc Furmazion Gherdëina. L Servisc Furmazion ie n pont de referimënt, n zënter che lieia, juda y cuordinea duc i Cunsëies de furmazion, che mët a jì ativiteies che à da n fé cun la furmazion culturela tla valeda.
Sënta dl ufize Furmazion Gherdëina

• Te chësc ufize ti vëniel pità ai Cunsëies de furmazion y ala lies aiuc y servijes a lauré ora si proiec, a crì referënc y a tò su cuntat cun chisc. L ie puscibl retlamisé la manifestazions te zaites y radio tres l ufize. La lies possa nce se jué di njins tecnics dl ufize.
• I Cunsëies de furmazion giapa aiuc per chël che à da n fé cun la pert burocratica de si lëur.
• L vën nce fat n calënder dla manifestazions a livel de valeda.
  Per schivé dublëtes, cuordinea l Servisc furmazion la scumenciadives dajan ora 2 iedesc al ann la "Plata dla manifestazions".
• L vën metù a jì cursc de rujeneda n cunlaurazion cun istituzions recunesciudes a livel europeich y cursc de computer de uni livel.

      Tedeschi Roswitha, la referënta dl ufize