Entpanzerung, Yoga y 5 Tibetans® - N program de renovamënt y bëgnester


Dal 22/10 al 4/11 vëgnel metü a ji a San Ciascian la "Entpanzerung", n program de renovamënt y bëgnester intern cun Bernadette Schwienbacher (operadëssa dl bëgnester y auturia de plö libri).
Le program gnará acompagné da leziuns de Hatha yoga y 5 Tibetans® pur düc i liví, cun Alexis Bassetto, insegnanta zertificada y coach dl bëgnester.
Ai 21/10 dales 19:00 saral l'inauguraziun dl program (debann) pur düc i interessá olache al gnará splighé plö avisa ci che nes aspeta tratan les 2 edemes. Ses düc dër bel inviá a fa para y damané informaziuns.

Jöbia
21
Otober
00:00
Jöbia
21
Otober
00:00
Referënt: Bernadette Schwienbacher y Alexis Bassetto
Uniun Organisaziun: Uniun Giulan
Classificaziun dl'iniziativa: Sanité
Paisc:
San Ciascian

Ala se trata de 2 edemes dedicades al bëgnester de corp, mënt y spirit zentrades sön la purificaziun interna y sön le rinovamënt.
L'obietiv é chël de lascé ji tematiches che drüca jö interiormënter y che nes fej sté ert, mo che ne va nia da laoré sö saurí deache ales fej pert de programaziuns costruides tl tëmp o che mëna zoruch a problems o situaziun splajores che an à messé vire tl passé, che fej ciamò mé y che ativëia tres da nü situaziuns de malester, pinsirs negativs y de malcontentëza, te na manira nia cosciënta, indireta y ria da controlé.
An laorará sön la respiraziun y fajará eserzizi specifics pur ester bogn da lascé ji traumesc (ince desmentiá), sënza messëi ji ai scassé sö danü .
An podarà fa para a: 1 dé, 4 dis, 7 dis, 10 dis o 14 dis (dô la disponibilité de vigni partezipant).
Pur düc chi che ne à mai fat para a n program sciöche chësc el la poscibilté da mët man danter le 21/10 y le 25/10, y fa para da 1 a plö dis.
Pur chi che à bel fat workshop de respiraziun el poscibile fa para metan man danter le 21/10 y le 29/10/21.
Le program devanta dé pur dé plö intensiv y aconsiun de fa para dal mët man y partezipé pur almanco 4 dis. Les dates pur mët man podess gni cambiades aladô dl numer de partezipanc. I periun düc i interessá da se chërdé sö - ince tratan le program ( dales 13 ales 16) - pur savëi sce ala va ciamò da fa para.
Le program sará pur todesch o pur talian aladô dles esigënzes di partezipanc. Al é la poscibilité de fa para ince ma a la indesprada muscolara (pratica de yoga y di 5 Tibetans®) che gnará metüda a jí vigni dé da duman adora, fora che la domënia.
Pur i scric ite al Uniun Giulan saral la poscibilité da fa para al program a n prisc arbassé.
Pur informaziuns chërdé sö Alexis al numer 3408279116, pur savëi deplö sön la Entpanzerung chërdé sö Bernadette al 3485642361.