Jita per la families da Andalo al lech de Molveno

Se lascion mené dala curiera nchin a Andalo. Da ilò saral da jì n pitl tòch a pe suvier per na streda furestela nchin che l sarà da raide ite tl troi didatich “Sciury”.
Chësc troi, che à for inò vel pitla stazions per i pitli da se fermé, se porta nchin al Altopiano Pradel, ulache on na bela udleda sun l lech de Molveno. Ilò se fermon a maië da marënda y a jughé sun la blòta plaza da fé damat. Per chiche uel, iel mo la puscibltà de jì mo inant a ti cialé a l “Orso di Vaia”. Daldo tulons l troi che nes porta diretamënter tl zënter de Molveno nchin inant pra l lech, ulache pudon se maië n bon dlacin y sce l tëmp juda pea nce meter ite i piesc tl beliscimo lech de Molveno.
Pra chësta jita iel nce mesun unì cun l bagl, davia che sainsom al Altopiano Pradel iel na furnadoia che ruva ju tl zënter de Molveno.

Pion via dala: 7:30 da Sëlva, 7:40 S.Cristina, 7:50 Urtijëi

Da tò pea iel:
- zeche da maië y da bever, chiche uel possa sambën nce maië te ustaria sainsom dla furnadoia
- velch da se paré dal surëdl y dala plueia
- suiamans y guant da se mudé sce n ëssa da se blandé pra l lech

Da paië ite:
per i scric ite ala Lia da Mont: 18,00 €
per i nia scric ite ala Lia da Mont. 23,00 €
mutons scric ite ala Lia da Mont: 5,00 €
mutons nia scri ite ala Lia da Mont: 10,00 €

Iscrizions:
Per se scrì su o nfurmazions pudëis scrì o cherdé su a Sabrina al numer de telefon 339/4191254.

La grupa “Nëus granc y pitli” se ncunforta sun vosc unì pea!