Jita per la families de trei dis.

Pion via n vënderdi 11 de setëmber dala 14.00 per jì de viers de Laghel a Arco, ulache se aspieta n pra scialdi grant per mëter su duta nosta tëndes per durmì. Iló maion duc na bona cëina y l ie na bela gran lerch per i mutons per se tripé dedora.
L di do, do n bon gusté jon a se fé na pitla raida a pe. Canche ruvon de reviers possa i mutons che uel purvé a se arpizé y l unirà njenià ca n grum de blòt juesc. Daldò se aspieta na bona "grigliata".
N dumënia guston mo n iede duc adum, fajon vel pitl juech y do avëi rumà adum la tëndes y maià da marënda, pions via de reviers de cësa per rué ntëur la 17.00.
Sce l ie lerch assé possa chi che ne à nia la puscibltà de uni pea duta doi nuetes ënghe unì me da sada a dumënia.

Da paië ite per doi gusteies, doi cëines, una na marënda
y l durmì:
granc scric ite a la Lia da Mont: € 60,00.-
granc nia scric ite a la Lia da Mont: € 75,00.-
mutons scric ite a la Lia da Mont: € 30,00.-
mutons nia scric ite a la Lia da Mont: € 45,00.-

Da tò pea iel:
- “Schlafsack”, madroz o “Isomatte”, tënda, “Stirnlompe” y ciche uniun s’adrova a sté sëuranuet te na tënda, n “Klettergurt” sce vel un uel purvé a se arpizé, na britula, n “Schwimmanzug” per fé vel juech cun l'ega
- zeche da maië ora de flucion per n sada
Per chi che ne a deguna “Isomatte” o tënda n on nëus da mpresté.
Iscrizions:
N possa se nuté su n vënderdi ai 4 de setëmber dala 19.00 da sëira inant, scrijan n WhatsApp a Sabrina al numer de telefon 339/4191254. La prezedënza à i scric ite pra la Lia da Mont.

La grupa “Nëus granc y pitli” se ncunforta sun vosc unì pea!