Di dla rëies daviertes

D’autonn vëniel fat nrescides dla migrazion di uciei sun Sela de Culac. N sada ai 23 de setëmber dala 8 ala 12 danmesdì possa duc unì a ti cialé a nosta atività scientifica. L unirà spiegà avisa cie y ciuldì che l vën fat, i resultac y i benefic dla nrescides. Pudëis passé da ce ëura che ulëis danter la 8 y la 12, nëus son for sun l post, dlongia la plaza dai auti tla segonda raida sëura l restaurant Gerard sun Sela de Culac.
Foto: L. Khil